İran ilə İngiltərə, Fransa və Almaniya arasında nüvə fəaliyyətlərinə dair danışıqlar üçün heyətlər İranın İstanbul Baş Konsulluğunda ikinci dəfə bir araya gəlib.
"Operativ Məlumat Mərkəzi-OMM" xəbər verir ki, bununla bağlı TRT Haber məlumat yayıb.
Görüş mətbuata qapalı şəkildə keçirilir.
Xarici işlər nazirinin müavinləri səviyyəsində aparılan danışıqlarda İranı xarici işlər nazirinin müavinləri Məcid Tahtrevənçi və Kazım Qaribabadi təmsil edir.
İran, 2015-ci ildə imzalanmış nüvə sazişinin Avropalı tərəflərinin tələbi ilə yeni danışıqlar turunu keçirməyə razılıq vermişdi.
