İndoneziyada torpaq sürüşməsi nəticəsində ölənlərin sayı 46-ya çatıb

İndoneziyanın qərbindəki Riau adalarında torpaq sürüşməsi nəticəsində ölənlərin sayı 46-ya çatıb.

"Operativ Məlumat Mərkəzi-OMM" xəbər verir ki, bu barədə İndoneziyada Fəlakətlərin İdarə Olunması üzrə Milli Agentlik məlumat yayıb.

Məlumata əsasən, sürüşmənin nəticəsi olaraq 24 kişi və 22 qadın həyatını itirib. Hazırda 9 nəfər itkin düşən şəxsin axtarışları davam etdirilir.

Agentlik onu da bildirib ki, 2 mindən çox yerli sakin təhlükəsiz ərazilərə təxliyə edilib.

Xatırladaq ki, martın 6-da İndoneziyanın Riau adalarında güclü leysan yağışları səbəbindən silsilə torpaq sürüşməsi nəticəsində 25 nəfərin öldüyü bildirilirdi.