"Barselona"nın və İspaniya milli komandasının sabiq futbolçusu Andres İnyesta Danimarkanın "Helsinqor" futbol klubunun sahibi olub.
"Operativ Məlumat Mərkəzi-OMM" xəbər verir ki, bu barədə "Sport TV2" telekanalı məlumat yayıb.
“Futbol və ümumiyyətlə idman məni həqiqətən cəlb edən bir şeydir. Bütün karyeram boyunca toplanmış təcrübəmi bu kluba gətirmək istəyirəm. Komandanı təkmilləşdirməyə və inkişaf etdirməyə çalışacağam”, - deyə o qeyd edib.
Qeyd edək ki, "Helsinqor" Danimarkada üçüncü divizionda çıxış edir. Klub 2005-ci ildə yaradılıb.
