Əli Məmmədli
ABŞ Azərbaycanın Laçın yolunda təhlükəsizliklə bağlı maraqlarını anlayır.
"Operativ Məlumat Mərkəzi-OMM" xəbər verir ki, bu barədə bu gün Bakıda səfərdə olan ABŞ Dövlət Departamentinin Qafqaz danışıqları üzrə baş müşaviri Lui Bono bildirib.
“Əlbəttə ki, biz Azərbaycanın da təhlükəsizlik maraqlarını anlayırıq. Əslində bütün tərəflərin təhlükəsizlik maraqlarını anlayırıq”, - diplomat vurğulayıb.
O, Laçın yolu ətrafındakı vəziyyətlə bağlı ABŞ Dövlət katibi Antoni Blinkenin Münhendə mövqeyini açıqladığı diqqətə çatdırıb.
