"Yuventus"un hücumçusu Arkadiuş Milik klubu ilə yeni müqavilə imzalamağa yaxındır.
"Operativ Məlumat Mərkəzi-OMM" xəbər verir ki, bu barədə “Football Italia” məlumat yayıb.
Polyak ötən ilin may ayında aldığı zədə səbəbindən bu mövsüm bir dənə də olsun oyun keçirməyib.
Bütün problemlərə baxmayaraq, "Yuventus" 31 yaşlı futbolçunun müqaviləsini uzatmaq qərarına gəlib.
Bu, maaş xərclərini azaltmaq üçün edilir: Turin klubu 2026-cı ilin yayında başa çatacaq hazırkı müqaviləyə əsasən forvard daha 3,5 milyon avro ödəməlidir, lakin bir illik uzadılması halında, bu məbləğ müvafiq olaraq 2027-ci ilə qədər bölüşdürüləcək.
