Afət Ziyadqızı
Tokioda keçirilən ənənəvi yeni il hərracında mavi üzgəcli tuna rekord qiymətə satılıb.
“Operativ Məlumat Mərkəzi – OMM” NHK-yə istinadən xəbər verir ki, Yaponiyanın paytaxtında yerləşən Toyosu balıq bazarında keçirilən 2026-cı ilin ilk hərracında mavi üzgəcli tuna balığı 3,2 milyon dollara (təxminən 255 milyon rubl) alıcı tapıb.
Məlumata görə, rekord məbləğə satılan 243 kiloqramlıq tuna Aomori prefekturası sahillərində tutulub. Hərrac yanvarın 5-də baş tutub.
Hərracın qalibi olan məşhur suşi restoranları şəbəkəsinin prezidenti Kimura Kiyoşi bildirib: “Bu tuna balığını görəndə sadəcə yanından keçə bilmədim”.
O, qiymətin bir qədər gözlənilməz olduğunu etiraf etsə də, mümkün qədər çox insanın bu eksklüziv tuna balığının dadına baxmasını istədiyini vurğulayıb.
