OMM Redaksiyası
Qərbi Avropada başa çatan yay meteoroloji müşahidələr tarixində ən isti yay olub.
“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.
Bildirilib ki, avqust ayında isə 2023-cü ilin iyulunda qeydə alınan aylıq temperatur rekordu təkrarlanıb.
Qeyd olunub ki, 2026-cı ilin avqustunda Yer səthinə yaxın havanın orta temperaturu 16,96 dərəcə Selsi təşkil edib. Bu göstərici 1991-2020-ci illər üzrə orta temperaturdan 0,85 dərəcə yüksəkdir. Beləliklə, başa çatan avqust meteoroloji müşahidələr tarixində ən isti avqust olub. Eyni zamanda, avqust 2023-cü ilin iyulu ilə birlikdə indiyədək qeydə alınan ən isti ay statusunu bölüşür.
İyun-avqust aylarını əhatə edən dövrdə qlobal orta temperatur 2024-cü ildə qeydə alınmış rekord göstəricini təkrarlayıb. Bu yay 2003-cü ildə qeydə alınmış əvvəlki rekord göstəricini də geridə qoyub.
Okean səthinin temperaturu da rekord həddə yaxınlaşıb. Avqust ayında dəniz səthinin orta temperaturu 2024-cü ilin martında qeydə alınmış rekord göstərici ilə eyni olub.
