Venesuela ABŞ tərəfindən şantaj olunmasını, daxili işlərinə qarışmasını və ölkə iqtisadiyyatında sabitliyi pozmaq üçün sanksiyalar təhdidini rədd edir.
"Operativ Məlumat Mərkəzi-OMM" xəbər verir ki, bu barədə Venesuela Xarici İşlər Nazirliyinin “X” səhifəsində yerləşdirilmiş bəyanatında deyilir.
Qeyd edilir ki, Bolivar Respublikası bütün Venesuela cəmiyyətinə ultimatum verən, məcburiyyət və təhdidlərə məhəl qoymadan dövlət çevrilişinə təhrik etmək məqsədi güdən ABŞ hökumətinin son şantaj, daxili işlərə müdaxilə cəhdlərini rədd edir.
XİN qeyd edib ki, “Venesuela şantaja boyun əyməyəcək, onun qurumları qanunlara və konstitusiyaya əməl etməyə davam edəcək”, ölkə “iqtisadi artım və sosial inkişaf kursunu davam etdirmək üçün bütün lazımi tədbirləri görəcək”.
