ABŞ-nin yüksək vəzifəli rəsmisi bildirib ki, Ukraynanın müdafiə naziri Rüstəm Umerov Ukraynadakı müharibəyə son qoymaq üçün hazırlanmış sülh müqaviləsi layihəsinin 28 bəndindən birinə mühüm dəyişikliklər edib.
"Operativ Məlumat Mərkəzi-OMM" xəbər verir ki, bu barədə "The Wall Street Journal" məlumat yayıb.
Nəşrin məlumatına görə, sənədin ilkin versiyasında Ukraynanın aldığı bütün beynəlxalq yardımların auditinin aparılması tələb olunurdu.
Mənbələr bildirir ki, bu müddəa mümkün korrupsiya hallarını müəyyən etmək məqsədi daşıyırdı.
Lakin layihənin yenilənmiş variantında həmin bənd çıxarılıb. Bunun əvəzinə sənədə bütün tərəflərə “müharibə zamanı etdikləri hərəkətlərə görə tam əfv” verilməsini nəzərdə tutan müddəa əlavə edilib.
