OMM Redaksiyası
Ukrayna Prezidenti Volodimir Zelenski bu ay ölkədə seçkilərin keçirilməsi ilə bağlı qərarını açıqlamağı planlaşdırır.
"Operativ Məlumat Mərkəzi-OMM" xəbər verir ki, bu barədə məlumatı seçki prosesinin planlaşdırılmasında iştirak edən Ukraynalı və Avropalı rəsmilərə istinadən xarici media orqanları yayıb.
Məlumata görə, bu addım ABŞ və Ukrayna nümayəndələri arasında sülhə nail olmaq məqsədilə aparılan danışıqlar çərçivəsində müzakirə edilib.
Qeyd olunur ki, seçkilərin keçirilməsi məsələsi münaqişənin həlli yollarından biri kimi nəzərdən keçirilir.
Eyni zamanda, Rusiya tərəfi Ukrayna ilə danışıqların davam etdirilməsini gözlədiklərini bəyan edib. Hazırda rəsmi Kiyevin bu məsələ ilə bağlı verəcəyi bəyanat beynəlxalq ictimaiyyət tərəfindən yaxından izlənilir.
