ABŞ prezidenti Donald Tramp Yaxın Şərq üzrə xüsusi nümayəndəsi Stiven Vitkovu İranla diplomatik təmaslara cavabdeh təyin etməyi planlaşdırır.
"Operativ Məlumat Mərkəzi-OMM" xəbər verir ki, bu barədə "Axios" portalı məlumat yayıb.
Portal yazır ki, Trampın İranla əlaqələr üzrə işləmək üçün xüsusi nümayəndə təyin etmək qərarı İranla yeni nüvə sazişi bağlamaq istəyindən xəbər verir.
Qeyd edilir ki, Vitkov İsrail və HƏMAS arasında atəşkəs və girov mübadiləsinin əldə edilməsində mühüm rol oynayıb.
İran və “Avropa üçlüyü” ölkələri (Böyük Britaniya, Almaniya və Fransa) arasında yanvarın 13-də Cenevrədə keçirilən danışıqların üçüncü raundunda İran nüvə sazişi üzrə danışıqları bərpa etməyə hazır olduğunu bildirib.
