Karel Geraertsi istefaya göndərən Almaniyanın “Şalke 04” komandası “Liverpul”un keçmiş hücumçusu Fernando Torresi yeni baş məşqçi kimi heyətinə qatmağı düşünür.
"Operativ Məlumat Mərkəzi-OMM" xarici KİV-ə istinadən xəbər verir ki, hazırda Bundesliqa 2-də 13-cü yerdə qərarlaşan "Şalke" 7 matçda cəmi iki qələbə qazanıb və "Darmştadt"a 5:3 hesabı ilə uduzduqdan sonra Geraerts ilə yollarını ayırıb.
İspaniya mətbuatında yer alan xəbərlərə görə, Torres hazırda "Atletiko Madrid"in ehtiyat komandasını çalışdırır və "Şalke"nin oyun fəlsəfəsinə uyğun profil hesab olunur.
