Misli Premyer Liqasının XII turunda "Sumqayıt" doğma meydanda "Sabah"ı məğlub edib.
"Operativ Məlumat Mərkəzi-OMM" xəbər verir ki, Sumqayıtdakı Mehdi Hüseynzadə adına stadionda keçirilən matç meydan sahiblərinin 1:0 hesablı qələbəsi ilə yekunlaşıb. Yeganə qolu 90+4-cü dəqiqədə Roy Kehat vurub.
Bu nəticədən sonra xallarının sayını 10-a yüksəldən "Sumqayıt" yeddinci pillədə qərarlaşıb. "Sabah" isə 17 xalla beşincidir.
Qeyd edək ki, turun əvvəlki oyunlarında "Neftçi" evdə "Araz-Naxçıvan"a uduzub - 0:1. "Turan-Tovuz" - "Qarabağ" matçında qol vurulmayıb. "Zirə" səfərdə "Şamaxı"nı məğlub edib - 2:0. "Kəpəz" isə "Səbail" üzərində qələbə qazanıb - 1:0.
