Türkiyənin xarici işlər naziri Hakan Fidan hesab edir ki, Rusiya və Ukrayna münaqişənin həlli məsələsində təmaslara başlamaq üçün yaxın günlərdə müəyyən kompromislərə gələ biləcəklər.
"Operativ Məlumat Mərkəzi-OMM" Xəbər verir ki, bununla bağlı xarici KİV məlumat yayıb.
O, bu barədə Ankarada keçirdiyi mətbuat konfransında bildirib.
"Düşünürəm ki, yaxın günlərdə tərəflər kompromis əldə edib bir araya gələcəklər. İndi həll edilməli olan problem var, yəni bildiyiniz kimi, ukraynalılar əvvəlcə atəşkəs, daha sonra danışıqlara başlamağı tələb edirlər. Ruslar əvvəlcə danışıqlar, sonra isə atəşkəs istəyir. Hazırda vəziyyət dalana dirənib", - o bildirib.
Nazir vurğulayıb ki, Türkiyə xüsusilə vasitəçi və danışıqlara ev sahibi kimi Ukraynanın nizamlanmasına hər cür töhfə verməyə hazırdır.
