ABŞ-nin Luiziana ştatının Şreveport şəhərindəki quru təmizləmə müəssisəsinin işçiləri Dallasdan gələn camaşırxana yükündə mumiyalanmış körpə cəsədi tapıblar.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Hadisə çərşənbə axşamı axşam saat 9 radələrində "Alsco Uniforms" adlı quru təmizləmə şirkətinə edilən zəngdən sonra məlum olub.
İşçilər çamaşırların arasında körpən cəsədini görüblər. Hadisə yerinə gələn polis qrupları körpənin "mumiyalandığını" və kəskin qoxusuna görə balzamlama əməliyyatından keçdiyini bildiriblər.
Şreveport polisi paltarların Dallasdakı Qızıl Qapı Cəza Evindən gəldiyini müəyyən edib.
Körpənin cəsədi hazırda Caddo Parish Tibbi Ekspertiza İdarəsinin nəzarətindədir.
Səlahiyyətlilər körpənin Dallasdakı ailəsinə qaytarılması üçün işlərin aparıldığını açıqlayıb.
