"Rusiyanın Varşavadakı səfirliyindəki məktəbi Polşa hakimiyyətinin ələ keçirməsinə Moskva çox sərt cavab verəcək".
"Operativ Məlumat Mərkəzi - OMM" xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
"Rəsmi Varşavaya qarşı cavab olaraq müvafiq tədbirlər görüləcək. Cavab idarələrarası formatda qəbul edilib hazırlanacaq. İndi bu işə start verilib. Bu, onların seçimidir, biz cavab verəcəyik", - Zaxarova qeyd edib.
Qeyd edək ki, Rusiyanın Varşavadakı səfirliyində uşaqların da olduğu məktəbə Polşa nümayəndələri daxil olublar və onlardan məktəbi tərk etmələrini tələb ediblər.
