Avropalı raket istehsalçısı MBDA-nın Britaniya qolu Polşanın dövlət müdafiə konserni PGZ ilə yeni CAMM-ER idarəolunan zenit raketlərinin tədarükü üçün 4 milyard funt sterlinqlik (4,9 milyard dollar) müqavilə imzalayıb.
"Operativ Məlumat Mərkəzi-OMM" xəbər verir ki, bu barədə Böyük Britaniyanın Müdafiə Nazirliyi məlumat yayıb.
Qeyd olunub ki, bu, Böyük Britaniya və Polşa arasında indiyə qədər bağlanmış ən böyük kommersiya müqaviləsidir.
CAMM-ER (Common Anti-Air Modular Missile - Extended Range - Qeyd) “yer-hava” tipli raketdir.
Raket təyyarələr, helikopterlər, Pilotsuz Uçuş Aparatları (PUA) və qanadlı raketlər də daxil olmaqla, müxtəlif təhlükələrə qarşı Hava Hücumundan Müdafiə sistemləri üçün nəzərdə tutulub.
