Perunun paytaxtı Limadakı Xorxe Çaves Beynəlxalq Hava Limanında radar nasazlığı bir neçə uçuşun dayandırılmasına səbəb olub.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Səlahiyyətlilər açıqlamasında hava hərəkətini idarə edən qüllənin radar sistemində müvəqqəti nasazlığın olduğunu bildirib.
Hava nəqliyyatını idarə edən dövlət şirkəti "Corpac" verdiyi açıqlamada nasazlıq səbəbindən təhlükəsizlik protokollarının işə salındığını və ölkə daxilindəki bütün hava limanlarından uçuşların müvəqqəti dayandırılmasının tələb edildiyini açıqlayıb.
Radarın nasazlığı nəticəsində yaranan problem baqaj və qeydiyyat sistemlərinin sıradan çıxmasına, daxili və beynəlxalq uçuşlarda ciddi gecikmələrə səbəb olub.
