İslamabad Rusiya tərəfinin nüvə enerjisi sahəsində təkliflərini gözləyir.
"Operativ Məlumat Mərkəzi-OMM" xəbər verir ki, bu barədə Pakistan baş nazirinin sənaye məsələləri üzrə xüsusi müşaviri Harun Axtar Xan bildirib.
"Bildiyiniz kimi, biz nüvə enerjisindən dinc məqsədlər üçün istifadənin təşviqinin vacibliyinə inanırıq. Hazırda enerjinin qiymətləri ilə bağlı ciddi problemimiz var. Nüvə enerjisi ən ucuz enerji mənbələrindən biridir. Ona görə də təbii ki, biz bu imkanların miqyasını və potensialını öyrənmək istəyirik. Mənə elə gəlir ki, bu məsələ artıq müzakirə olunur", - o deyib.
"Biz enerji xərclərimizi azaltmaq istəyirik. Bu, Pakistanda biznes aparmaq üçün böyük maneədir. Biz bunu səbirsizliklə gözləyirik", - Harun Axtar Xan əlavə edib.
