“Avropa milli maraqlarına uyğun olaraq, Rusiya ilə normal münasibətləri bərpa etməlidir”.
"Operativ Məlumat Mərkəzi-OMM" xəbər verir ki, bu sözləri Kolumbiya Universitetinin Davamlı İnkişaf Mərkəzinin direktoru Ceffri Saks deyib.
“Mən avropalılara dedim ki, diplomatik səylərinizi birləşdirin və Rusiya ilə normal diplomatik münasibətləri bərpa edin. Müzakirə edin, razılığa gəlin və bu məsələdə maraqları tamamilə fərqli olan ABŞ-dən asılı olmayın. Avropa hələ də bunu başa düşməyib”, – o bildirib.
Saks xatırladıb ki, 1991-ci ildən etibarən Rusiya və Avropa qarşılıqlı faydalı iqtisadi münasibətlər qurmuşdular. Xüsusilə Berlin və Moskva arasında olan iqtisadi əməkdaşlıq Vaşinqtonun xoşuna gəlmirdi.
Bundan əvvəl Finlandiya Prezidenti Aleksandr Stubb bildirmişdi ki, Rusiya və Avropa arasında münasibətlər xüsusi hərbi əməliyyat başa çatdıqdan sonra bərpa olunacaq, lakin onlar əvvəlki kimi olmayacaq.
