ABŞ Prezidenti Donald Tramp İsrailin Qəzza Zolağında 60 günlük atəşkəsin təmin olunması üçün zəruri şərtləri qəbul etdiyini bəyan edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
O, ABŞ nümayəndələrinin israilli rəsmilərlə uzun və səmərəli bir görüş keçirdiyini bildirib.
“İsrail, 60 günlük atəşkəsin razılaşdırılması üçün zəruri şərtləri qəbul etdi. Bu müddət ərzində müharibənin dayandırılması üçün bütün tərəflərlə birlikdə çalışacağıq”.
Tramp, atəşkəs danışıqlarında vasitəçilik edən Qətər və Misirin Həmasa son təklifi təqdim edəcəyini də bildirib:
“Ümid edirəm ki, Həmas bu razılaşmanı qəbul edər. Çünki bundan yaxşısı olmayacaq, əksinə daha da pis olacaq”.
