ABŞ Prezidenti Donald Tramp Vaşinqton və Tehran administrasiyaları arasında diplomatik razılaşmanın əldə olunması ehtimalı barədə danışıb.
"Operativ Məlumat Mərkəzi-OMM" "RIA Novosti" agentliyinə istinadən xəbər verir ki, Amerika lideri yaxın bir neçə gün ərzində tərəflər arasında yeni bir sazişin bağlana biləcəyinə ümid etdiyini ifadə edib.
Bununla belə, dövlət başçısı hərbi güc amilini də xüsusi vurğulayıb.
Tramp dünyanın ən böyük və ən qüdrətli hərbi gəmilərinin hazırda İran sahillərində yerləşdiyini bəyan edib. O, hərbi dəniz qüvvələrinin hədəfə "çox yaxın" məsafədə olduğunu qeyd edib.
Xatırladaq ki, rəsmi Tehran daha əvvəl ABŞ ilə münaqişənin üçüncü mərhələsinə başladığını elan etmişdi. Öz növbəsində, Donald Tramp İslam Respublikasına qarşı hərbi hücum ehtimalının istisna edilmədiyini diqqətə çatdırıb.
