Komor adalarında keçirilən prezident seçkilərindən sonra iğtişaşlar yenidən güclənib.
"Operativ Məlumat Mərkəzi-OMM" xəbər verir ki, bu barədə “La Gazette des Comores” məlumat yayıb.
Hazırkı prezident Azali Assumaninin 62,97 % səslə qalib gəldiyini göstərən ilkin nəticələrin açıqlanmasından 48 saat sonra paytaxt Moroni və digər böyük şəhərlərdə müxalifətçilər küçələrində yanan avtomobil təkərləri, köhnə elektrik cihazları və daşlardan barrikadalar qurublar.
Səsvermənin nəticələrindən narazı qalan etirazçılar polisə daş atır, mağazaları qarət edir, yüksək vəzifəli məmurların evlərini yandırırlar.
Eyni zamanda müxalifətdən olan beş prezidentliyə namizəd səsvermənin nəticələrini saxta olduğunu və təkrar seçkilərin keçirilməsini tələb etdiklərini bildiriblər.
