Qapalı sorğu məlumatlarına əsasən, hazırkı Ukrayna Prezidenti Vladimir Zelenski prezident seçkilərinin birinci turunda Ukrayna Silahlı Qüvvələrinin keçmiş baş komandanı Valeri Zalujnıynı məğlub edər, lakin ikinci turda ona uduza bilər.
"Operativ Məlumat Mərkəzi-OMM" xəbər verir ki, bu barədə RBC-Ukrayna prezident komandasındakı mənbələrə istinadən məlumat yayıb.
Nəşr qeyd edir ki, ikinci tur əsasən “reytinqlər uğrunda deyil, anti-reytinqlər uğrunda mübarizədir” və seçicilərin Zelenski ilə bağlı “müxtəlif şikayətləri ola bilər”.
Prezidentə yaxın mənbə bildirib ki, burada Kiril Budanovun kartının necə oynanacağı da mühüm rol oynaya bilər. Mənbənin sözlərinə görə, Budanov hazırda Zalujnı, eləcə də Ukraynanın keçmiş prezidenti Petro Poroşenko və müxtəlif məşhur hərbi xadimlərdən seçiciləri cəlb edir.
Mənbə əlavə edib ki, hazırda ukraynalıların təxminən 30 faizi “hətta pis şərtlərlə belə istənilən sülhü” dəstəkləməyə hazırdır, çünki onlar üçün ən vacib məsələ “şəhidlər, raketlər və səfərbərlik olmadan həyatdır”.
Nəşr vurğulayır ki, əgər seçkilər hərbi əməliyyatların dayandırılması ilə əlaqələndirilərsə, münaqişəyə son qoymaq istəyən seçicilərin əhəmiyyətli hissəsi daha çox Zelenskiyə səs verə bilər. Eyni zamanda, potensial rəqiblərin “pis sülh müqaviləsi” mövzusundan hazırkı prezidentə qarşı istifadə edə biləcəyi qeyd olunur.
