Kiyev meri Vitali Kliçko Rusiya-Ukrayna müharibəsinə son qoymaq üçün ölkəsinin “ərazilərindən imtina etməsi” ehtimalını gündəmə gətirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Kliçko sülh yolunda mümkün addımları dəyərləndirib.
Ukrayna prezidenti Vladimir Zelenskinin sülh danışıqları ilə bağlı onunla məsləhətləşmədiyini deyən Kliçko, onun sülh üçün “ağrılı həll yolu” seçmək məcburiyyətində qala biləcəyini söyləyib.
"Sülh üçün bir addım torpaqların verilməsidir. Bu ədalətli deyil, lakin müvəqqəti sülh üçün bu həll ola bilər. Ukraynalılar heç vaxt Rusiya işğalını qəbul etməyəcək", - o bildirib.
