İsrail Müdafiə Qüvvələri (IDF) İslam İnqilabı Keşikçiləri Korpusunun (SEPAH) Aerokosmik Qüvvələrinin komandanı general-mayor Əmir Əli Hacızadənin İranda yeraltı komandanlıq mərkəzinə gecə saatlarında endirilən zərbələr nəticəsində öldürüldüyünü açıqlayıb.
"Operativ Məlumat Mərkəzi-OMM"-in xəbərinə görə, məlumatda qeyd edilib ki, gecə saatlarında kəşfiyyat məlumatları üzə çıxardı ki, İran İslam İnqilabı Keşikçiləri Korpusunun Aerokosmik Qüvvələrinin yüksək komandanlığı İsrailə hücuma hazırlaşmaq üçün yeraltı komandanlıq mərkəzində toplaşıb.
İsrail Silahlı Qüvvələrinin mətbuat xidməti əlavə edib ki, zərbə zamanı həmçinin İran İnqilabı Keşikçiləri Korpusunun Aerokosmik Qüvvələrinin pilotsuz uçuş aparatının komandiri və SEPAH Aerokosmik Qüvvələrinin hava komandanlığının rəhbəri həlak olub.
