Oktyabrın 29-da İspaniyada başda Valensiya olmaqla ölkənin şərq və cənub bölgələrini vuran sel fəlakəti 650 min ton kənd təsərrüfatı məhsulunu məhv edib.
"Operativ Məlumat Mərkəzi-OMM" xəbər verir ki, İspaniya Kənd Təsərrüfatı Sığorta Təşkilatları Assosiasiyası leysan yağışların səbəb olduğu daşqın və fırtınaların kənd təsərrüfatı sektoruna tarixi ziyan vurduğunu açıqlayıb.
Sel nəticəsində 25 min 500 hektar becərilən kənd təsərrüfatı sahəsi zədələnib, 650 min ton ərzaq məhsulu israf edilib və 10 mindən çox fermer zərər çəkib.
Açıqlamada zərərin 250 milyon avrosunun sığortalandığı açıqlanıb.
Sığortasız fermerlərin itkiləri də daxil olmaqla 170 min hektar kənd təsərrüfatı sahəsinə ziyan dəydiyi və ümumi itkilərin 1 milyard avronu keçdiyi bildirilib.
