ABŞ-ın İraqın Ərbil şəhərindəki konsulluğu yaxınlığında pilotsuz uçuş aparatının (PUA) vurulması nəticəsində partlayış səsi eşidilib.
"Operativ Məlumat Mərkəzi-OMM" xəbər verir ki, bu barədə “Rudaw” məlumat yayıb.
Məlumata görə, PUA-nın Ərbilin şimal-şərqində, ABŞ konsulluğunun yeni binası yaxınlığında qəzaya uğradığını və konsulluğun hava hücumundan müdafiə sistemi tərəfindən vurularaq zərərsizləşdirildiyini bildirib.
Hadisədən sonra bölgənin təhlükəsizlik qüvvələri hadisə yerinə gəlib.
İraq Kürd Regional Rəhbərliyindəki digər yerli mətbuat orqanları hadisənin heç bir insan itkisi ilə nəticələnmədiyini qeyd edib.
