İsveç, Norveç və Danimarka 2025-ci ildə Ukraynaya dəstək üçün 12 milyard dollara yaxın vəsait ayırıb.
"Operativ Məlumat Mərkəzi-OMM" xəbər verir ki, bu barədə “İzvestiya” məlumat yayıb.
2022-2024-cü illərdə üç şimal krallığı Kiyevə 20 milyard dollardan çox pul göndərib.
Martın 6-da Norveç hökuməti dəstəyin 4,7 milyard dollar artdığını və 2025-ci ildə ümumi məbləği təxminən 8 milyard dollara çatdırdığını açıqladı.
Oslonun 2022-2030-cu illərdə Kiyevə yardım üçün ümumi xərcləri təxminən 20 milyard dollar təşkil etməlidir ki, bunun da 5,3 milyard dolları müharibə başlayandan bəri artıq Ukraynaya köçürülüb.
Danimarkanın Ukraynaya uzunmüddətli dəstək proqramı var; 2025-ci ildə krallıq Kiyevə təxminən 1,35 milyard dollar hərbi yardım ayırıb. Ümumilikdə, müharibə başlayandan bəri dəstək təxminən 7,5 milyard dollar təşkil edib.
İsveç hökuməti 2024-2026-cı illər üçün Kiyevə 7,5 milyard dollar məbləğində hərbi yardımın üç illik planını təsdiqləyib. Hər il bu məbləğin üçdə biri ayrılır.
Qəzet qeyd edir ki, 2025-ci ildə dəstək 2,5 milyard dollar təşkil edəcək.
