"Norveç bu il 8,8 milyard dollar yardımdan Ukraynaya pilotsuz uçuş aparatları və muxtar sistemlərin alınması üçün təxminən 1,2 milyard dollar məbləğində vəsait ayıracaq".
“Operativ Məlumat Mərkəzi-OMM” xəbər verir ki, bu sözləri Norveç Baş naziri Yonas Qar Stör bildirib.
"Ukrayna tammiqyaslı müharibənin beşinci ilinə qədəm qoyduğu üçün Ukraynanın müdafiəsini davam etdirmək üçün lazımi hərbi dəstəyi alması çox vacibdir. Ümumi 8, 8 milyard dollardan 7,3 milyard dollar pilotsuz uçuş aparatlarının alınması da daxil olmaqla hərbi dəstəyə, 1,5 milyard dollar isə mülki dəstəyə ayrılacaq", - o qeyd edib.
Baş nazir qeyd edib ki, ukraynalılar nəyə ehtiyac duyduqlarını daha yaxşı bilirlər:
"Ukrayna hakimiyyəti ilə fəal məsləhətləşmələrdən sonra hökumət 2026-cı ildə hərbi yardımın ayrılması barədə qərar qəbul edib. Vəsaitlər Ukrayna üçün ən böyük təsir göstərəcək sahələrə yönəldiləcək"
