Çinin dövlət hava yolu şirkəti "China Eastern Airlines" Şanxay ilə Argentinanın paytaxtı Buenos Ayres arasında yeni bir uçuş xəttinin açıldığını elan edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Şirkət bu xətti "dünyanın ən uzun birbaşa uçuşu” kimi təqdim edir.
Şanxay "Pudong Hava Limanı"ndan (PVG) qalxan təyyarə, təxminən 25,5 saat sonra Buenos Ayresdəki Ministro Pistarini Hava Limanına (EZE) çatacaq. Geri dönüş uçuşu isə 29 saat davam edəcək.
"China Eastern" tərəfindən verilən açıqlamaya görə, səyahət zamanı Yeni Zelandiyanın Oklend şəhərində iki saatlıq dayanacaq olacaq. Bu müddət ərzində sərnişinlər təyyarədən düşərək qısa bir fasilə edə biləcəklər.
