Çilinin daxili işlər naziri Karolina Toa istefa verib.
"Operativ Məlumat Mərkəzi-OMM" “La Tercera” qəzetinə istinadən xəbər verir ki, onun qərarı bu ilin noyabrında keçiriləcək prezident seçkilərində mümkün iştirakla bağlıdır.
"Mən daxili işlər naziri vəzifəsindən istefa ərizəmi indicə respublika prezidentinə təqdim etmişəm. Bu, asan qərar deyildi", - o, jurnalistlərə deyib.
Toa özü istefasının səbəblərini açıqlamayıb, lakin bildirib ki, DİN-in yeni rəhbəri vəzifəsinin icrasına başladıqdan sonra o, bundan sonra nə olacağı barədə jurnalistlərlə danışa biləcək.
