İranın Xarici İşlər Nazirliyi cümə axşamı bildirib ki, ölkənin xarici işlər naziri Abbas Əraqçi Hindistan və Misirdən olan həmkarları ilə telefon danışığı aparıb.
“Operativ Məlumat Mərkəzi-OMM” bu barədə İran XİN-in məlumatına istinadən xəbər verir.
Məlumata görə, telefon danışıqları zamanı tərəflər ikitərəfli əlaqələri, həmçinin regional və beynəlxalq hadisələri müzakirə ediblər.
Abbas Əraqçi sözügedən söhbətlərdə İranda baş verən etiraz aksiyalarında xarici elementlərin iştirak etdiyini bildirib. O, eyni zamanda ABŞ rəsmilərinin İranın daxili işlərinə müdaxiləsini kəskin şəkildə pisləyib.
Nazir vurğulayıb ki, İran suverenliyinə və daxili məsələlərinə istənilən müdaxilə qəbuledilməzdir.
