Bu ölkələrin "Eurovision" təmsilçilərindən Qəzzada atəşkəs çağırışı edilib

"Eurovision" mahnı müsabiqəsində Belçika, Portuqaliya, İngiltərə, İrlandiya, İsveçrə, Norveç, Danimarka, Litva, Finlandiya və San-Marinonu təmsil edəcək sənətçilər Qəzzada təcili və davamlı atəşkəsə çağırıblar.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Birgə bəyanatda onlar işğal olunmuş Fələstin ərazilərində və xüsusilə Qəzzada vəziyyətlə bağlı səssiz qalmaqdan narahat olduqlarını bildiriblər.

"Məzlumlarla həmrəy olmaq və sülh, dərhal və davamlı atəşkəs və bütün əsirlərin azad edilməsi üçün səmimi arzularımızı çatdırmaq bizim üçün çox vacibdir”, - deyə bəyanatda bildirilib.