OMM Redaksiyası
Litva Prezidenti Gitanas Nauseda Nazirlər Kabinetinin istefasını qəbul edib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Prezident Baş nazir İnqa Ruqinienin kabinetinin istefasını qəbul edib və hökumətə yeni kabinet formalaşana qədər öz vəzifələrini yerinə yetirməyi tapşırıb.
Litva Prezidenti 15 gün ərzində Seymə (parlament) baş nazirliyə namizəd irəli sürməlidir.
Hakim çoxluq Litva Sosial Demokrat Partiyasının lideri Mindauqas Sinkeviçusu bu vəzifəyə namizəd göstərib. Seym prezidentin namizədliyini qəbul edərsə, təyin olunmuş baş nazir növbəti 15 gün ərzində öz kabinet tərkibini və hökumət proqramını parlamentə təqdim etməlidir.
