Banqladeş səlahiyyətliləri Hindistan gəmiqayırma şirkəti "Garden Reach Shipbuilders & Engineers" (GRSE) ilə dəniz donanması üçün trans-okean yedək gəmisi tikmək üçün müqaviləni ləğv edib.
"Operativ Məlumat Mərkəzi-OMM" xəbər verir ki, bu barədə “Economic Times” qəzeti yazır.
2024-cü ildə imzalanan 21 milyon dollarlıq müqavilə Hindistanın müdafiə satınalmaları üçün 500 milyon dollarlıq kredit xətti çərçivəsində ilk böyük sövdələşmədir.
Qəzet yazır ki, 2024-cü ilin avqustunda Banqladeşin keçmiş baş naziri Şeyx Hasinanın gedişindən sonra Yeni Dehli və Dəkkə arasında münasibətlərdə yaranan gərginlik səbəbindən razılaşma ləğv edilib. Ölkənin yeni hakimiyyət orqanları Çin və Pakistanla yaxınlaşmağa başlayıb ki, bu da Hindistanda narahatlıq yaradıb.
