Afət Ziyadqızı
Strasburqda keçirilən plenar iclasda Avropa Parlamenti (AP) Avropa İttifaqının sanksiyalarını pozduğuna görə cinayət təqibinə icazə verən və Rusiyanın dondurulmuş şəxsi aktivlərinin müsadirə edilməsinə zəmin yarada biləcək qanunun lehinə səs verib.
"Operativ Məlumat Mərkəzi-OMM" xəbər verir ki, bu barədə "RİA Novosti" AP-nin bəyanatına istinadən məlumat yayıb.
Səs çoxluğu ilə təsdiq edilən qanun pozuntuların universal tərifini və cəzalarını, o cümlədən cərimə və beş ilədək həbsi nəzərdə tutur.
Qanunun qüvvəyə minməsi üçün Aİ Şurasının rəsmi təsdiqi tələb olunur. Qanuna uyğun olaraq rəsmi təsdiq dərc olunacaq və 20 gün sonra qüvvəyə minəcək. Aİ-yə üzv ölkələrin yeni normaları öz milli qanunvericiliklərinə tətbiq etmək üçün bir il vaxtı olacaq.
