Almaniya daha çox humanitar yardım göstərmək üçün Qəzzada humanitar fasilənin bir daha uzadılmasına çağırış edib.
"Operativ Məlumat Mərkəzi-OMM" xəbər verir ki, bu barədə Almaiya Xarici İşlər Nazirliyinin sözçüsü Sebastyan Fişer bildirib.
"Bizim fikrimizcə, Qəzzadakı insanlara təcili ehtiyac duyulan yardımı çatdıra bilməmiz üçün humanitar fasilə mümkün qədər uzun sürməlidir",- deyə rəsmi qeyd edib.
Fişer Qəzzadakı vəziyyətlə əlaqədar humanitar yardımın məbləğini 18 milyon avro artıracaqlarını da açıqlayıb.
Məqsədin Qəzzada dinc əhaliyə su, qida, dərman və geyim kimi əsas materialların verilməsi olduğunu bildirən Fişer Almaniyanın bu il Fələstin torpaqlarına etdiyi ümumi humanitar yardımın 179 milyon avroya yüksələcəyini də əlavə edib.
