Papa Fransisk: "Ümid edirəm ki, Qəzzada atəşkəs davam edəcək"

Katoliklərin ruhani lideri və Vatikanın prezidenti Papa Fransisk Qəzzada müvəqqəti atəşkəsin davam edəcəyinə ümid etdiyini bildirib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

"Ümid edirəm ki, Qəzzada mövcud atəşkəs davam edəcək. Bu şəkildə bütün girovların azad ediləcəyini və lazımi humanitar yardımlara çıxışın təmin ediləcəyini ümid edirəm. Oradakı cəmiyyətdən xəbər aldım ki, su və çörək yoxdur. İnsanlar əziyyət çəkir. Əzab çəkənlər adi insanlardır, döyüşənlər əziyyət çəkmir. Biz sülh istəyirik", - deyə Papa bildirib.