Almaniyanın xarici işlər naziri Cohan Vadephul bildirib ki, onun ölkəsi Fransa və Britaniya ilə birlikdə İrana nüvə proqramı ilə bağlı dərhal danışıqlara başlamaq üçün birgə təklif edib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Bu təklifin qəbul ediləcəyinə ümid etdiyini vurğulayan Vadephul, "ümid edirəm ki, bu təklif qəbul olunacaq. Bu, həm də bu münaqişənin sülh yolu ilə həlli və İranın bölgəyə, İsrail dövlətinə və ya Avropaya təhlükə yaratmaması üçün mühüm ilkin şərtdir" deyib.
Cohan Vadephul İsrailin İran rejimini devirmək məqsədi daşıdığını düşünmədiyini, əsl məsələnin İsrail və Almaniya üçün təhlükə yarada biləcək nüvə silahının qarşısını almaq olduğunu, İranın bu mövzuda ilkin mərhələdə danışıqlar aparmaq fürsətini əldən verdiyini bildirib.
İranın məqsədinin İsraili məhv etmək olduğunu qeyd edən Vadephul, İsrailin buna görə də özünü müdafiə etmək hüququna malik olduğunu deyib.
