ABŞ-İran nüvə danışıqlarının altıncı raundu iyunun 15-də Maskatda keçiriləcək.
"Operativ Məlumat Mərkəzi-OMM" xarici KİV-ə istinadən xəbər verir ki, bu barədə Omanın xarici işlər naziri Bədr əl-Busaidi "X"də bildirib.
Danışıqlar prosesində vasitəçi qismində çıxış edən xarici siyasət idarəsinin rəhbəri yazıb: “İran-ABŞ danışıqlarının altıncı raundunun bu bazar günü Maskatda keçiriləcəyini təsdiq etməkdən məmnunam”.
Qeyd edək ki, hazırda danışıqlar durğun vəziyyətdədir. ABŞ və İran arasında etimadsızlıq davam edir. Hər iki tərəf diplomatik kanalların açıq qaldığını bildirsə də, yaxın gələcəkdə böyük irəliləyiş gözlənilmir.
