ABŞ Yəməndə İranın dəstəklədiyi husilərin yeddi yüksək rütbəli üzvünə silah qaçaqmalçılığı və silah tədarükü müqavilələrindəki rolu səbəbilə sanksiya tətbiq etmək qərarına gəlib.
"Operativ Məlumat Mərkəzi-OMM" xəbər verir ki, bununla bağlı ABŞ Dövlət Departamenti məlumat yayıb.
Rusiya, Çin və İrandakı tədarükçülərdən silah tədarük edərək Qırmızı dənizin təhlükəsizliyini təhdid etdikləri ifadə edilən husilərə qarşı atılan yeni addımların təfərrüatları paylaşılıb.
Bu açıqlamada, Ənsarullah təşkilatının bilinən 7 yüksək rütbəli üzvünə silah qaçaqmalçılığı və silah tədarükü müqavilələrindəki rolu nəticəsində sanksiya tətbiq ediləcəyi ifadə edilib.
Bəyanata görə, bölgədə husilərin nəzarətini aradan qaldırmaq üçün Yəmən hökuməti ilə birlikdə əməkdaşlıq ediləcək.
