ABŞ-nin cənub ştatlarında anomal soyuq hava səbəbindən ölənlərin sayı 10 nəfərə çatıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, ölüm halları Texas, Alabama və Corciya ştatlarında baş verib.
ABŞ-nin meteoroloji xidmətləri sürücüləri şəxsi avtomobillərdən istifadə etməməyə və evdə qalmağa çağırır, çünki son günlər buzlu hava şəraiti səbəbindən yüzlərlə yol qəzası baş verib.
Texas ştatının Hyuston şəhərində iki hava limanında bütün uçuşlar təxirə salınıb. Son üç gündə ölkə üzrə 2000-dən çox reys ləğv edilib, daha 13000-ə yaxın reys gecikib.
Luiziana, Missisipi və Alabama da daxil olmaqla əksər cənub ştatları çovğun səbəbindən ilk dəfə fövqəladə vəziyyət elan edib.
Bir çox məktəblərdə dərslər dayandırılıb.
