Afət Ziyadqızı
Ukrayna Prezidenti Volodimir Zelenski Kiyevin silah ixracına başladığını elan edib.
"Operativ Məlumat Mərkəzi-OMM" xəbər verir ki, dövlət başçısı bu barədə öz teleqram kanalında paylaşım edib.
Məlumata görə, Zelenski Ukrayna Təhlükəsizlik Xidmətinə və kəşfiyyat orqanlarına Rusiya ilə əməkdaşlıq edən ölkələrin siyahısını müəyyən etməyi tapşırıb. Bu ölkələrə silah ixracının qadağan ediləcəyi bildirilib.
Prezident qeyd edib ki, məqsəd Moskvanın Ukrayna texnologiyalarına və silahlarına çıxış əldə etməsinin qarşısını almaqdır.
Bildirilib ki, bu addım ölkənin müdafiə sənayesinin inkişafı ilə yanaşı, milli təhlükəsizlik maraqlarının qorunmasına xidmət edir.
