"Əgər Şimali Atlantika Alyansının ölkələri Rusiyaya hücum etmək barədə qərar versələr, Moskva buna lazımi şəkildə cavab verəcək".
"Operativ Məlumat Mərkəzi-OMM" xəbər verir ki, bu sözləri Rusiya XİN-nin rəsmi nümayəndəsi Mariya Zaxarova deyib.
“NATO strategiyalarının beynində Rusiyaya hücum kimi dəli bir fikir yaranırsa, onların heç bir şübhəsi qalmamalıdır ki, biz mövcud olan bütün imkanlardan istifadə edərək cavab verəcəyik. Biz hadisələrin istənilən inkişafına hazırıq, amma bununla yanaşı həmişə sülhün, dostluğun və bərabərhüquqlu əməkdaşlığın üstünlüyündən çıxış edirik”, — diplomat vurğulayıb.
Zaxarova həmçinin bildirib ki, Moskvanın alyans ölkələrinə hücum etmək kimi planı yoxdur. O həmçinin əlavə edib ki, Rusiyanın təhlükəsizliyinin təmin edilməsi üçün zəruri tədbirlər görülür.
