“Avropa ölkələri xoşbəxt vassallardan bədbəxt kölələrə çevrilib. Buna səbəb isə onları himayə edən ABŞ-nin Avropa ərazilərinə, o cümlədən Qrenlandiyaya kənardan baxmasıdır”.
“Operativ Məlumat Mərkəzi – OMM” xəbər verir ki, bunu Rusiya Xarici İşlər Nazirliyinin sözçüsü Mariya Zaxarova RİA Novosti-yə verdiyi müsahibədə deyib.
Zaxarova bildirib ki, uzun illər avropalılar “xoşbəxt vassal görüntüsünü” qoruyaraq öz suverenliklərindən həm könüllü, həm də məcburi şəkildə imtina ediblər. Onun sözlərinə görə, nəticədə onların əslində “bədbəxt kölələr” olduqları üzə çıxıb.
Diplomat xatırladıb ki, Qrenlandiya Danimarka Krallığının tərkib hissəsidir. Buna baxmayaraq, ABŞ Prezidenti Donald Tramp dəfələrlə adanın Amerikanın bir hissəsinə çevrilməli olduğunu bəyan edib.
Zaxarova daha əvvəl də Avropa ölkələrinin artıq özlərini hərbi və siyasi aktor kimi hiss etmədiklərini qeyd edib. Onun sözlərinə görə, xarici tərəfdaşlar avropalılarla rəqibləri ilə danışmadıqları tərzdə danışırlar.
