Yevlax Rayon Polis Şöbəsi əməkdaşlarının keçirdikləri əməliyyat tədbiri nəticəsində narkotik vasitələrin qanunsuz dövriyyəsində şübhəli bilinən, əvvəllər məhkum olunmuş Savalan Quliyev saxlanılıb.
Bu barədə “Operativ Məlumat Mərkəzi-OMM”-ə Daxili İşlər Nazirliyindən məlumat verilib.
Bildirilib ki, saxlanılan şəxsdən satış məqsədi ilə əldə etdiyi 5 kiloqram 200 qram marixuana, metamfetamin, metadon həbləri və elektron tərəzilər aşkarlanaraq götürülüb.
Faktla bağlı cinayət işi başlanılıb, S.Quliyev barəsində həbs qətimkan tədbiri seçilib. Hazırda araşdırmalar davam etdirilir.
Qeyd edək ki, cari il ərzində Yevlaxda polis əməkdaşları tərəfindən ümumilikdə 20 kiloqram narkotik vasitə qanunsuz dövriyyədən çıxarılıb.
