NATO-nun Baş katibi Yens Stoltenberq Kiyevə səfər edib.

"Operativ Məlumat Mərkəzi-OMM" xəbər verir ki, bu barədə Alyansdan bildirilib.

Səfərin məqsədi açıqlanmayıb.

Y.Stoltenberq Ukrayna Prezidenti Volodimi Zelenski ilə görüşüb, hazırda tərəflər birgə mətbuata bəyanatlarla çıxış edirlər.

Nigeriyanın Kano əyalətində məsciddə partlayış baş verib.

"Operativ Məlumat Mərkəzi-OMM" xəbər verir ki, bu barədə Kano Polisinin İctimaiyyətlə Əlaqələr Mütəxəssisi Abdullahi Haruna məlumat yayıb.

Hadisə neft barabanından qaynaqlanan partlayış səbəbindən baş verib.

Partlayış nəticəsində 11 nəfər ölüb, 17 nəfər yaralanıb.

Müharibə təmas xəttində vəziyyət hələ o səviyyədə deyil ki, Ukrayna hakimiyyətini danışıqlar masası arxasına oturmağa məcbur etsin.

"Operativ Məlumat Mərkəzi-OMM" xəbər verir ki, bunu NATO Hərbi Komitəsinin rəhbəri admiral Rob Bauer deyib.

Bauerin sözlərinə görə, həm ruslar, həm də ukraynalılar “çətinliklər yaşayırlar”.

O, Rusiya qüvvələrinin irəliləməsinə baxmayaraq, Rusiya Silahlı Qüvvələrinin “strateji uğurlara” nail ola bilməyəcəyinə diqqət çəkib.

İsrail ordusunun 7 oktyabr 2023-cü il tarixindən etibarən Qəzza zolağına həyata keçirdiyi hücumlarda ölənlərin sayı son 24 saatda 39 nəfər artaraq 35 min 272-yə çatıb.

"Operativ Məlumat Mərkəzi-OMM"  xəbər verir ki, bu barədə xarici KİV məlumat yayıb.

Bu hücumlarda daha 64 fələstinlinin isə yaralandığı bildirilib. Bununla da yaralıların sayının isə 79 min 205-ə yüksəldiyi qeyd edilib. 

İsrail ordusunun Livanın cənubunda hərəkət edən bir avtomobilə təşkil etdiyi hava hücumunda ölən və yaralananların olduğu bildirilib.

"Operativ Məlumat Mərkəzi-OMM"  xəbər verir ki, bu barədə xarici KİV məlumat yayıb.

Ordu Sur şəhərinin Nakura ilə Rimadiye qəsəbəsi arasındakı magistral yolda hərəkət edən bir avtomobili pilotsuz uçuş aparatı ilə hədəfə alıb. Hücum nəticəsində ölən və yaralananların olduğu bildirilsə də, rəsmi qurumlardan hələlik açıqlama verilməyib.

Aprelin 17-də Xorvatiyada keçirilən ümumi seçkilərdən sonra Qordan Jandrokoviç yenidən parlamentin spikeri seçilib.

"Operativ Məlumat Mərkəzi-OMM"  xəbər verir ki, bu barədə xarici KİV məlumat yayıb.

Paytaxt Zaqrebdə keçirilən parlament iclasında 151 yerlik parlamentdə 150 ​​deputat iştirak edib. Hakim sağ mərkəzçi Xorvatiya Demokratik İttifaqının (HDZ) namizədi Jandrokoviç 6 əleyhinə 144 səslə parlamentin spikeri olub.

Buradakı çıxışında Jandrokoviç 2016 və 2020-ci illərdən sonra bu gün üçüncü dəfə eyni vəzifəyə seçilməkdən xoşbəxt olduğunu ifadə edərək, “Yeni seçilmiş deputatları bir daha təbrik edirəm, onların çoxu parlament kürsüsündə əyləşib. ilk dəfə hamımıza birlikdə keyfiyyətli bir vəzifə arzulayıram", - deyə qeyd edib.