"Chugoku Electric Power" şirkətinin idarə etdiyi Şimane atom elektrik stansiyasının ikinci enerji blokunun turbin otağında yanğın baş verib.

"Operativ Məlumat Mərkəzi-OMM" xəbər verir ki, bu barədə Yaponiyanın Kyodo agentliyi məlumat yayıb.

Hadisənin səbəbini müəyyən etmək mümkün olmayıb.

Avropa İttifaqı (Aİ) ölkələri Rusiyanın aktivlərindən əldə edilən gəlirin 90 faizinin Ukraynanın silahla təmin edilməsinə xərclənməsinə dair planı təsdiqləyib.

"Operativ Məlumat Mərkəzi-OMM" TASS-a istinadən xəbər verir ki, bu barədə Çexiyanın xarici işlər naziri Yan Lipavski bildirib.

“Aİ Rusiya Mərkəzi Bankının dondurulmuş aktivlərindən əldə olunan gəlirin Ukraynaya yardım göstərmək üçün istifadə edilməsini təsdiq edib. 2024-cü ildə 3 milyard avroya qədər olan məbləğin 90 faizi Ukrayna Silahlı Qüvvələrinin ehtiyaclarına yönəldiləcək”, - o, “X” sosial şəbəkəsindəki hesabında qeyd edib.

Yeni Kaledoniyada etirazlar zamanı sahibkarlara dəyən zərərin məbləği 1 milyard avroya çata bilər.

"Operativ Məlumat Mərkəzi-OMM" TASS-a istinadən xəbər verir ki, bu barədə Yeni Kaledoniyanın Ticarət və Sənaye Palatasının sədri David Qiyen məlumat verib.

“İndiyədək olan məlumatlara əsasən, zərərin məbləği 1 milyard avroya yaxınlaşır”, - o, “France Culture” radiosuna açıqlamasında deyib.

Onun sözlərinə görə, bu, sənayedən ticarətə qədər iqtisadiyyatın bütün sektorlarına, xüsusilə də avtomobil satıcılarına təsir göstərib.

Xatırladaq ki, Yeni Kaledoniyada mayın 15-də 12 gün müddətinə fövqəladə vəziyyət elan edilib.

Fransa Prezidenti Emmanuel Makron gün ərzində mayın 13-dən kütləvi etirazların keçirildiyi Yeni Kaledoniyaya səfər edəcək.

"Operativ Məlumat Mərkəzi-OMM" TASS-a istinadən xəbər verir ki, bu barədə Fransa hökumətinin rəsmi nümayəndəsi Priska Teveno məlumat verib.

“Nazirlər Şurasının iclası zamanı prezident bu axşam Yeni Kaledoniyaya səfər edəcəyini bildirib”, - o, Nazirlər Şurasının iclasından sonra keçirilən brifinqdə deyib.

Daha əvvəl məlumat verilmişdi ki, E.Makronun sədrlik etdiyi Fransa Müdafiə Şurası etirazlar fonunda Yeni Kaledoniyaya əlavə hərbi qüvvə göndərmək qərarına gəlib.

Almaniyanın xarici işlər naziri Annalena Berbok Ukraynaya səfərə gedib.

"Operativ Məlumat Mərkəzi-OMM" xəbər verir ki, bu barədə DPA agentliyi məlumat yayıb.

Bildirilib ki, o, Ukraynaya dəstək əlaməti olaraq Kiyevdə səfərdədir.

Cənubi Koreya və ABŞ Seulda birgə müdafiə xərclərinin bölüşdürülməsinə - Koreya yarımadasının cənubunda Amerika kontingentinin saxlanmasına dair danışıqların ikinci mərhələsini keçirəcəklər.

"Operativ Məlumat Mərkəzi-OMM" xəbər verir ki, bu barədə “Yonhap” agentliyi məlumat yayıb.

Onun sözlərinə görə, məsləhətləşmələr üç gün davam edəcək.

Cənubi Koreya tərəfini Xarici İşlər Nazirliyinin xüsusi nümayəndəsi Li Txe U, Amerika tərəfini isə Dövlət Departamentinin əməkdaşı Linda Spekt təmsil edəcək. Danışıqların birinci mərhələsi aprel ayında Havay ştatında baş tutub.

Hazırkı müqavilə 2025-ci ilin sonuna qədər qüvvədədir. Koreya Respublikası ərazisində 28 minlik Amerika hərbi kontingenti yerləşdirilib.

Qeyd edək ki, 1991-ci ildən Cənubi Koreya xərclərin bir hissəsini, o cümlədən kazarmaların, təhsil və təlim obyektlərinin tikintisini öz üzərinə götürüb.