Qərb tərəfdaşları Ukraynanı yenidən xəbərdar etmədi

Ukrayna Prezidenti Volodimir Zelenski Rusiyanın gecə saatlarında ölkəsinə ballistik raketlərlə zərbələr endirdiyini, lakin Qərb tərəfdaşlarının bu hücumlar barədə Ukraynanı yenidən xəbərdar etmədiyini bildirib.

“Operativ Məlumat Mərkəzi-OMM” xəbər verir ki, bununla bağlı xarivi KİV məlumat yayıb.

"Gecə ərzində yenidən bir neçə dalğa ilə Rusiyanın ballistik hücumu baş verdi və tərəfdaşlarımızdan yenə də heç bir xəbərdarlıq olmadı", - Ukrayna Prezidenti qeyd edib.

Zelenskinin sözlərinə görə, hücumlar Ukraynanın enerji və infrastruktur obyektlərini hədəf alıb. Z

ərbələr nəticəsində tibb müəssisəsinə, məktəbə, metro stansiyasına və yaşayış evlərinə ziyan dəyib.

O bildirib ki, Kiyev və Kiyev vilayəti istiqamətində 16 ballistik raket və 200-dən çox dron buraxılıb. Hücumlar nəticəsində insan tələfatı qeydə alınıb, enerji infrastrukturunun 10-dan çox obyektinə ziyan dəyib. Nəticədə ən azı 550 min ev elektrik enerjisiz qalıb.